بەپێی ڕاگەیاندنی پەیوەندییە گشتییەکانی زانکۆی کوردستان، بەپێی ئەنجامەکانی پۆلێنبەندیی ساڵی ٢٠٢٥ی ناوەندی پۆلێنبەندیی زانکۆکانی جیهان (CWUR)، زانکۆی کوردستان لەنێو ٢١,٤٦٢ زانکۆی هەڵسەنگێندراودا، توانیویەتی پلەی ١٧٠٠ی جیهانی و پلەی ٢٨ی نێو زانکۆکانی ئێران بەدەست بهێنێت. ئەم دەسکەوتە نیشاندەری بازدانێکی سێ پلەییە لە پۆلێنبەندیی نیشتمانیدا بە بەراورد لەگەڵ ساڵی ڕابردوو و جێگرتنی زانکۆی کوردستانە لە ڕیزی ٨٪ی زانکۆ پێشەنگەکانی جیهاندا.

لەم پۆلێنبەندییەدا، زانکۆی کوردستان لە پێش زۆرێک لە زانکۆ ناسراوەکانی وڵات و ناوچەکەوەیە، لەوانە زانکۆی بووعەلی سینای هەمەدان، زانکۆی ڕازیی کرماشان، زانکۆی خارەزمیی تاران، زانکۆی مازەندەران و زانکۆی یەزد.
سیستەمی پۆلێنبەندیی CWUR زانکۆکان لەسەر بنەمای چوار پێوەری سەرەکی هەڵدەسەنگێنێت:

• فێرکردن (٢٥٪)

• توانای دامەزراندنی دەرچووان (٢٥٪)

• ئەندامانی دەستەی زانستیی پێشەنگ (١٠٪)

• توێژینەوە (٤٠٪)

ئەم سەرکەوتنە بەنرخە، کە بەرهەمی هەوڵی بەکۆمەڵی ئەندامانی دەستەی زانستی، توێژەران، خوێندکاران و کارمەندانی زانکۆیە، بە ڕوونی پابەندبوونی زانکۆی کوردستان بە بڵندی لە فێرکردن، توێژینەوە و پەیوەندیی کاریگەر لەگەڵ کۆمەڵگەدا نیشان دەدات.